Egitarau kultural polita antolatu dute gazteek Atekabeltzen datozen egunetarako. Ostiral honetan, otsailak 10, Entrenamendu mentala jendaurreko saioak prestatzerakoan ikastaro praktikoa izanen da Urko Arozenaren eskutik, eta gazteei zuzendua. 19:00etan hasiko da. Otsailaren 16an, osteguna, Lucio anarkista ezagun nafarraren bizitzaren inguruko dokumentalaren emanaldia eskainiko da, 19:30ean. Eta azkenik, 17an, ostirala, didgeridoo tresna australiarrarekin musika emanaldia eginen da Iban Nikolairen eskutik eta ondoren, tailerra jotzen ikasteko. 17:00etan hasiko da. Horrez gain, eraikin osoaren garbiketa orokorra egiteko deialdia egin dute otsailaren 18rako.