Emakume Abertzaleen bosgarren Topaketa Feministak Leitzan eginen dira, Euskal Herriko Bilgune Feministak antolatuta. Baina aldi honetakoa berezia izanen da, Bilgune Feministak hamar urte beteko baititu aurten.
Martxoaren 2ko arratsaldean hasiko dira ekitaldiak eta hiru egunez, gai asko jarriko dira mahai gainean: prozesu demokratikoa eta emakumeen hitza, elikadura subirautza, emakume presoak, zaintza, osasuna, prostituzioa, autodefentsa feminista, hezkidetza... Horiez gain, ez da otordurik eta festa girorik faltako, baina egitarau zehatza hurrengo aleetan emanen dugu. Aurretik, Topaketa Feministen aurkezpena otsailaren 3an, ostirala, eginen da, 19:00etan, Atekabeltz herrigunean eta herritar guztiei egin diete joateko gonbitea.
Izen-ematea
Topaketa hauetan parte hartzeko, zabalik dago izena emateko epea. 2012topaketafeministak.wordpress.com-en egin behar da.