Joan den urteko arrakasta ikusita, aurten ere kaldereroen eguna errepikatzea erabaki da. Inauterien atarian, otsailaren 18an, izanen da. Dena den, hori baino lehen, entsegua eginen da larunbat honetan, Santa Ageda bezperako entseguarekin batera. Antolatzaile lanetan ari den Juan Antonio Lekuonak jendeari animatzeko deia egin die: «iaz 80 bat lagun elkartu ginen eta gustura gelditu ginen. Ea aurten gehiago garen».