Elgoien auzoko Goiko Landa inguruan eraikitako 48 etxebizitzen giltzak banatzen hasi zen Uzti eraikina joan den urte bukaeran. Honela, etxe berrira aldaera egin ahal izan dute bizilagun berriek, Olentzeroko opari gisara. Erreklamazioak egiteko epea ere zabaldu dute.
Zehazki, 24 pisu babes ofizialekoak dira eta beste 24ak tasatutako preziokoak. Pisuen prezioa diferentea da neurriaren eta izendapenaren arabera. Esate baterako, 70 metro koadroko babes ofizialekoak 109.830 eurotan saldu dira eta handiak 133.365 eurotan. Tasatutakoak, berriz, txikiak 126.700 euro inguruan eta handiak 153.850 eurotan saldu dira. Hiru bloketako bizilagunak hasi dira bilerak egiten eta erabakiak hartzen.
Etorkizunean, Udalak Landa Behekoan ere 216 pisu egiteko asmoa dauka, baina plan hau gauzatzeko zazpi urte beharko omen dira.