Xalto sariketaren hamaikagarren edizioa abenduaren 17an jokatu zen Goizuetan. Nafarroako hamabortz bertsolarik hartu zuten parte eta goizeko zein arratsaldeko saioen ondotik Aimar Karrrika auriztarra nagusitu zen.
Goizez bi kanporaketa izan ziren eta horietan erabaki zen arratsaldeko finalera pasako zen seikotea. Hauek izan ziren arratsaldeko finalean aritu zirenak: Aimar Karrika (Auritz), Ioar Tainta (Lesaka), Irati Majuelo (Iruñea), Iker Gorosterrazu (Ituren), Mikel Azpiroz (Leitza) eta Jose Luis Barberia Zili (Leitza). Arratsaldeko lanak eginda, Aimar Karrikak lortu zituen puntu gehien. Goizuetako udaleko ordezkari batek jantzi zion txapela txapeldun berriari, Oier Barroso lagunari eskaini ziona.