Txondorra Feria Eguneko protagonista

Eguraldia lagun, giro ederra izan zen Feria Egunean. Eskulangile eta azien­dekin batera, bezperatik piztu zen ikatz txondorra izan zen protagonista. Txondo­rra egiten ttikitan ikasi zuen Andoni Etxenike izan zen prozesua gidatu zuena, nahiz­ eta 30 urte pasatuak ziren azken aldiz egin zuenetik. Denbora asko emana zuten Etxenikek eta laguntzaileek txondorra prestatzen eta feria egunean harro eraku­tsi ahal izan zuten bere lana. Izan ere, txondorraz gain, etxola bat ere erai­ki zuten eta lanabesak eta astoa ere inguruan zuten Etxenike, Motza, Gorrene, Fernando Goiak eta Xumar Bakerok. 20 Tona egur behar izan zituzten txondorrerako eta hortik­ 400 bat zaku ikatz aterako direla kalkulatu zuten. Zahagi Dan­tza txondo­rren inguruan sortu zela dioenik ere bada eta hala, txondorra piztu baino lehenxeago Zahagi dantza ere dan­tza­tu zuten. Baina txondorraz gain, izan zen zer ikusi eta non gozatu.