Pasa den azaroaren 6ko euriteak herriko zenbait etxe eta zelai astindu zituen. Lur jauzi asko eragin zituen eta errepidea itxita geratu zen ur balsa zela eta. Etxeei dagokienez, Kortatu eta Zubidi izan ziren larritasun gehiena pasatu zutenak, eta kalte gehienak, berriz, eskolan izan ziren. Beheko solairuan ur asko sartu zen eta horrela bertako hainbat material galduta geratu dira, hala nola, eskuliburuak, puzzleak, ordenagailu bat... Bestalde, pareteko zokaloa eta udan berritu den gelaren lurra ere altxatzen hasi zen hezetasunarekin. Komunikabideetan ere agertu zen Areso, prezipitazio gehien egin zuen herrietako bat izan zelako, eta diotenez, badira 26 urte herrian antzeko zerbait ikusi ez zela.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun