Ekitaldiz beteriko hilabetea izaten ari da azaroa, eta horietako asko ez dira nolanahikoak izaten ari. Gainean dugun asteburu hau ere ez da gutxiagorako izanen, Feria Eguna ospatuko baita larunbatean, hilak 26.
Ostiral ilunabarrean, azaroak 25, txondorra pizteko ekitaldia eginen da eta horixe izanen da larunbatean ospatuko den Feri Eguneko nobedade aipagarria. Baina ez bakarra. 10:00etatik 13:00etara azienda feria izanen da Isarriko frontoian eta aurten II. Betizu Eguna eginen da. Plazan, berriz, nekazal produktuak eta artisau postuak izanen dira: sagardo egitea, arto kirkiltzea, harri taila, taloak, joare egitea, txondarrari betarria ematea...
12:30ean aizkolarien saioa izanen da plazan eta 14:30ean bazkaria. Txartelak Amaiarenean daude salgai. Ondotik eta ilunabarrean, musika izanen da Modestorekin.