130 espezietako perretxikoak bildu dira Mikologialdian

Hego haizearen eta idortearen ondorioz ez da onddo eta perretxiko askorik ikusten­ udazken honetan mendietan. Halere, ALKE Kultur Taldeak antolatuta laugarren urtez egin da aurten Mikologialdia. Urriaren 19tik 23ra egindako ekimenak, azken egunean Karrapen jarritako erakusketarekin bukatu ziren eta idorteak idorte, 130 espezietako onddo eta perretxikoak ikusteko aukera izan zen, herri­ko umeekin egindako ateraldietan jasotako aleak, hain zuzen. Herritarrek bildutako ziza eta onddoak ere eraman zituzten plazara. Eskolako ikasleek margotuta­ko eta plastilinaz egindako irudiak jarri zituzten ikusgai. Eta aurtengo berrikuntza giara, Mikel Ilarregik mikologiari buruz egindako lana proiektatu zuten karrapen.