Mendibil Mendi Bizikleta Taldeak urriaren 12an hasi zuen denboraldi berria, Orreaga aldera egindako irteerarekin. Eguraldi bikainarekin, Orreagatik hasi eta Orbaizetako fabrikatik igarota, Harpeako leizera joan ziren. Hemendik Urkulura igo eta gero Orreagara itzuli. Guztira 40 kilometro dituen itzulia hamasei lagunek egin zuten. Hurrengo irteera azaroan eginen dute. Mendi Taldekoak ere ez daude geldirik. Hilaren 22an Mikologialdiaren barne, umeekin ateraldia egitekoa zuten Leitzalarrera eta igandean Nafarroako Mendi Elkarteen Egunera joatekoak ziren San Adrianera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun