Oraingoz apustua jokatu gabe gelditu beharko du Josetxo Urrutiak. Harri kubikoarekin apusturako desafioa bota zuen, apustu jokatzaileen pisu bikoitzeko harriarekin, hain zuzen. Edozein harri-jasotzaileri luzatu zion deia eta norgehiagoka abenduaren erdialdera jokatu nahi zuen, edo beranduen, urtea bukatu aurretik.
Urriaren 14an egin zuen hitzordua apustua jokatu nahi zutenekin, eta Tolosako Kantabriko tabernara Urtzi Telleria azaldu zen. Ezin izan zuten, ordea, akordiorik itxi, ez baitzen adostasunik izan ez datetan, ez altxatu beharreko harriarekin ere. Badirudi, heldu den udan berriz ere helduko diotela erronkari, Urrutiak proposatzen duen harri kubikoarekin aritzeko ohitura gehixeago hartzen duenean Telleriak.