Gizakia, ohitura duen animalia omen da, eta hori egia da, baina ikusten da azken urteetan zer nolako aldaketak izaten ari diren gure gizartean, eta nabarmen gure herriko jaietan. Alde batetik ohiturak mantendu nahi dira, baina nola?
Horrek kezka sortu du, eta taldetxo bat, herrian mugitzen diren eragile guztiekin elkarrizketak egiten ari da, zer pentsatzen duten eta zer nolako hausnarketa egiten duten urtean zehar egiten diren jaiei buruz, Inauteriak, Sanpedroak, Euskararen Eguna… Festa horiek egiteko badira antolatzaileak, baina planteatzen ari dira dena denon artean egin beharra ote duten, jende gutxi lana egiteko prest, festetan parte hartzeko ere bai, festa bakoitzean betikoak disfrutatzen..., suspertu nahi da eta herrian giroa piztu, saiatu, herriko gauzak herriarentzako egiten direla sinestarazi… Oraindik gelditzen da bidea egiteko eta hau nola bukatzen den jakinaraziko dugu aurrerago, hemen argazki batean ikusten da, zer nolako jendea biltzen zen dantza egiteko, zein dotore jantziak eta adin guztietakoak plazan… Argazki hau Leitzako etxe batean azaldu da, eta beharbada Aresoko etxeetan ere izango dira gisa honetakoak. Polita izango litzateke gure aurrekoek nola gozatzen zuten ikustea, nola lana egiten zuten, zer nolako tertuliak..., hitz batean gure historia berreskuratzeko modu ederra. Orain herriko aldizkaria egiten ari direla aprobetxatuz, hurrengo alerako nahi duenak parte hartu dezake, etxean dituen argazkiak ekarriz eta denon artean elkarbanatzeko eta gozatzeko aukera izan daiteke, horrela gure arbasoen bizimodua hobeki ezagutu dezakegu.
Dantzako bi argazkiak Pablo Feok utziak dira eta berari Ceciliak eta bestea ere Pablo Feok utzia eta berari Elosegik. Pablok bilduma osatu eta gero lana txukun egin nahi omen du horregatik berak dauzka argazkiak.