Nafarroako Sagardo Eguna ospatuko da igande honetan, irailaren 256ean, Lekunberriko plazan. Nafarroko Sagardo Egileen Elkarteak, Lekunberriko Udalak eta Plazaola Partzuergo Turistikoak, Nafarroako Gobernuaren laguntzarekin antolatutako ekimena goizeko 11:00etatik 14:00etara eginen den eskulangileen eta elikagaien azokarekin abiatuko da. Bertzeak bertze, artisauek egindako eztia, gazta, taloak, zura, ogia, garrapiñatuak edo ezpartzua ikusteko, dastatzeko eta erosteko aukera izanen da. Sagar mota ezberdinen erakusketa ere eginen da. 12:00etatik 14:00etara Kirikoketa eginen da, sagarraren txikitzea eta zanpatzea, Baztango Kirikoketarien eskutik. Trikitilariekin musika ere izanen da.