Urteko festen artean, gero eta indar haundiagoa hartzen ari den Iskibiko Euskal Jaia igande honetan, irailak 18, izanen da. Urtero bezala, hainbat ekitaldi izanen dira eta guztiak kanpinean.
Eguerdian hasiko da festa. 12:00etatik aurrera dultzaineroek alaituko dituzte kanpineko bazterrak. Ondoren, 13:00etan, herri-kirolak izanen dira eta ordubete beranduago, 14:00etan, talo jatea eginen da herriko talogileen eskutik; taloa hirugiharra, txistorra, gazta eta txokolatearekin eskainiko da. Sagardoa, ardoa, kafea edo koparik ere ez da faltako.
Arratsaldean, 17:00etan toka txapelketa jokatuko da eta 18:00etan Bonatxok giroa alaituko du, bere soinu eta abestiekin.
Txartelak
Euskal Jai honetan parte hartu nahi duenak Amaia kafetegian edo Iskibin berean eskuratu ahalko ditu, 16 eurotan.