Udan festa egiteko aukera bat baino gehiago izan dute Aranora gerturatu direnek: sardina jatea, San Roke, bestelako afariren bat… Baina Santioak ospatzeko modu handirik ez zen izan aurtengoan. Eguraldi txarrak erabat zapuztu zituen antolatutako ekitaldi asko eta ondorioz, suspenditu zirenekin irailaren 17an festa-eguna antolatzea erabaki zuen jai batzordeak.
Hortaz, irailaren 17an, larunbatarekin, hasteko, Arano-Goizuetaren arteko pilota partida jokatuko da eguerdian. Arratsaldean txikienek puzgarriak izango dituzte gozagarri eta herri kirol eta bertso saioarekin arratsalde polita igarotzea espero dute oraingoan.
Bide batez, Aranoko jai batzordeak eskerrak eman nahi dizkie, beren lanarekin, euripean festei zutik eusten lagundu zieten guztiei. Eta barkamena eskatu ere bai bertara ekitaldiren bat ikus/entzuteko asmoz etorri eta asmoa bete gabe itzuli behar izan zutenei.
Irailaren 17an Aranon elkar ikustea espero dugu.
Pilota partida, haurrentzako puzgarriak, herri kirolak eta bertsolariak izango dira
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun