Oraindik bi hilabete baino gehiago gelditzen badira ere, herriko gazteak burubelarri dabiltza Gazte Asanbladaren XX. urteurreneko festa haundia prestatzen. Eguna zehaztu dute: azaroaren 12an izanen da. Baina ez hori bakarrik, egitarauaren berri ematen ere hasi dira.
Xehetasun guztiak aurrerago emanen ditugu, baina jakin, egun osoko festa izanen dela: 20 urte iruditan argazki erakusketa, 20. urteurreneko graffitia eta argazkia, herri bazkaria, elektrotxaranga, ekitaldi nagusia eta gauean kontzertuak. Punta-puntako taldeak gonbidatu dituzte Gazte Asanbladako kideek: Des-kontrol, Bongo Botrako, Esne Beltza eta 3gabe2 taldeek joko baitute frontoian. DJ Bull, berriz, Gaztetxean ariko da.
1991n hasitako bidea merezi bezala ospatzeko egitarau ederra.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!