‘2011ko Uda oihanaren bihotzean’ programa prestatu du Plazaolako Turismo Partzuergoak. Antolatu eta aukeratu daitezkeen bisita gidatuak eginen dituzte. Aurreko urteetako arrakasta ikusita, aurtengo udarako ere 10 eskaintza prestatu dituzte jende guztiarentzat. Bisita hauek egiteko erreserbak aurretik egin beharko dira. Informazio guztia www.plazaola.org orrialdean dago.
Plazaolako Natur Bidetik Lekunberri eta Leitzako herrigunea ezagutzeko aukera ematen da. Leitzako kasuan, geltokitik hasita Natur Bidean zehar paseoa, Itturrizarreatik jeitsiz antzinako garbitegitik pasaz eta Leitzako plazan bukatzen da. Uztailaren 23 eta 30ean, eta abuztuaren 6 eta 20an eginen dituzte bisita gidatuak.
Plazaolako Geltoki zaharrean erakusketa ibiltaria izanen da. Saralegitarren Arro baserriko bizi martxa ikusteko aukera ere izanen da Kristina
Saralegiren eskutik. Baserriko animaliak ikusi ondotik talogintza tailerra eta probaketa egingo dira.
Peru-Harri, Harriaren Parkea eta Museoa ere bisita daiteke, Iñaki Perurena harri jasotzaileak diseinatutako museoa ikusteko. Gero kirolen historia eta Iñaki eta Inaxioren markak ezagutzeko aukera ematen du baserriak.
Etxarri Larraungo Bikain gaztandegia, Ultzamako Ezkurdi Erlezaintza Museoa, Lacturaleko esne behien interpretazio gunea, Beigorri Abentura parkea edo Mendukiloko kobak bisitatzekoparada ere eskaintzen da.