Urtetik urtera handitzen doa sagardogile kopurua eta aurten, 18 izanen dira Sagardo Egunean beraien uzta aterako dutenak. Larunbat honetan, ekainak 11, eginen da Sagardo Eguna, ALKE Kultur Taldeak antolatuta, Udalaren, Kaskabeltza merkatarien elkartearen eta Aurrera elkartearen laguntzarekin.
Hirugarren edizioa izanen da eta 18:00etatik aurrera izanen da sagardoak dastatzeko aukera plazan.
Bezperan, berriz, hilak 10, sagardo dastaketari buruzko hitzaldia eskainiko du Guillermo Castaños etnologoak, 20:00etan Aurreran.