Erakustaldi ederra emanez, Aimar Olaizolak eta Aritz Beginok Binakako Txapelketako finala irabazi dute, Xala eta Beroizi 22-14 irabazita. Bilboko Bizkaia frontoi berria lepo beterik zegoela, Asegarceko bikoteak joko hobea erakutsi zuen apirilaren 17an. Olaizola izan zen laukoteko pilotaririk onena, eta gutxik bezalako jokoa duela erakutsi zuen. Goizuetako aurrelariak markatu zuen partidako erritmoa eta 13 tanto airez bukatu zituen. Mikel Beroizek oso ongi ordezkatu zuen Abel Barriola. Hala ere, irabazleek lan gogorra egin behar izan zuten 22ra iristeko. Hamalaunako berdinketaren ondotik, Olaizolak erakustaldia eman zuen, zuzenean 22ra iritsiz. Aimar Olaizolak bere zortzigarren txapela eskuratu du azken honekin, eta binakako bigarrena izan da. Txapela bikoteari, jaioko den euren haurrari eta errekuperazioan lagundu dioten guztiei eskaini die.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun