Bere pisuaren bikoitza duen harriarekin marka ahalegina egiten saiatuko da Josetxo Urrutia harrijasotzailea larunbat honetan, apirilak 16. 150 kilo dituen harri kubikoa erabiliko du Urrutiak, eta bost minutuko txandan ariko da. Josetxo Urrutia Leitzakoa, 33 urte eta 75 kilo. Marka ahalegina homologatua izango da.
Urrutiak 2008 eta 2009an hartu zuen esku harri txikietako Euskadiko Txapelketan, eta seigarren sailkatu zen bietan. 2009an lortu zuen txapelketako bere markarik onena 112,5 kiloko kuboarekin: 1.575 kilo, 14 jasoalditan, hiru minutuko txandan. Edonola ere, txapelketan lau harri erabiltzen dituzte. Nafarroako Txapelketan ere esku hartu izan du.