Martxoaren 17an, futbol eskolakoek Osasunako Asier Riesgo atezainaren eta Oier Sanjurjo jokalariaren bisita jaso zuten. Horiekin batera, Osasuna Fundazioko Juan Pascual eta Diego Makirriain, Lacturale enpresako Maite Azpiroz, Xabier Zabalo alkatea eta futbol eskolako Unai eta Xabier Sagastibeltza entrenatzaileak izan ziren. Eguna, Fundazioaren eta Udalaren arteko hitzarmenaren sinadura ekitaldiarekin hasi zen. Gero, futbol eskolako ikasleek hainbat galdera egin zizkieten Sanjurjo eta Riesgori eta hauek erantzuteaz gain, autografoak sinatu zituzten.