10 eta 16 urte bitarteko neska-mutilei zuzenduta eskalada ikastaroa eskainiko du Leitzako kiroldegiak datozen larunbatetan, zehazki, martxoaren 2an, apirilaren 2, 9 eta 16an eta maiatzaren 7an, goizeko 09:00etatik 13:00etara. Izen ematea Leitzako kiroldegian egin behar da edo 948 510719 telefonora deituz.
Mendibil Baztanera
Mendibil mendi taldeak martxoaren 26an, larunbatarekin, Baztanen ibilaldia eginen du, Urdazubitik Amaiurrera eta tartean Otsondo (575 metro), Lizarmeakako lepoa (550 metro), Alkurruntz (934 metro) eta Zuetako lepoa (740 metro) igoko dituzte. Ateraldian parte hartu nahi izanez gero, martxoaren 24a, osteguna baino lehen eman behar da izena Astiz edo Maimur liburudendetan edo mendibilaurrera@hotmail.com helbide elektronikoan. Larunbatean 07:30ean abiatuko dira plazatik eta 15:00ak aldera buelta.