Finalaurrekoetan sartu da Nafarroako Bertsolari Txapelketa. Lehen fasea bukatu eta finalaurrekoetako lehen saioa martxoaren 12an jokatzekoa zen Beran, eta bigarrena Leitzan jokatuko da larunbat honetan, martxoak 19. Zinema zaharrean izanen da saioa eta 17:30etik aurrera sei bertsolari ariko dira nor baino nor. Estitxu Arozena (Lesaka), Xabier Terreros (Lesaka), Iñigo Olaetxea (Lesaka), Ander Fuentes Itturri (Zubieta), Josu Sanjurjo (Lesaka) eta Migel Mari Elosegi Luze (Leitza). Bi izan dira txapelketa honetan parte hartu duten herritarrak: Jose Luis Barberia Zili (1981) eta Migel Mari Elosegi Luze (1970). Zilirentzat, bigarren Txapelketa izan da aurtengoa eta finalaurrekoen atarian gelditu da. Luze, berriz, bi aldiz ailegatu da Nafarroako Txapelketako finalera eta aurtengoan finalaurrekoetarako txartela eskuratu du. Bazkideen eta 16 urtetik beherakoen sarrerak 5 euro balio dute, eta helduenak 8 euro. www.bertsosarrerak.eu webgunean ere eros daitezke.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun