Elkarlanetik jaio, musikatik eraiki! lelopean jaialdi haundia eginen da apirilaren 2an, larunbatarekin, herrian. Herri mugimenduko hainbat taldek elkarrekin antolatu dute ekimena, «etorkizuneko Herrigune izanen den eraikina moldatzeko helburuarekin, besteak beste». Halaxe diote atekarock.blogspot.com atarian.
20:30etik aurrera Berri Txarrak, Gose, Su Ta Gar, Vendetta eta Kop taldeek kontzertuak eskainiko dituzte kiroldegian. Eta 01:00etan, berriz, Gaztetxean Bad Sound System taldearen txanda izanen da. Gaztetxea goizaldera arte zabalik egonen dela iragarri dute.
Sarrerak
Aldez aurretik erosiz gero, sarrerak 17 eurotan eskuratu ahal izanen dira. Toki hauetan eros daitezke sarrerak: Nafarroan, Leitza (Torrea), Lekunberri (Elosta), Elizondo (Txokoto), Irurtzun (Pikuxar), Altsasu (Lurrazpi taberna), Lesaka (Arrano Herrikoa) edo Iruñean (Karmengo Herrikoa eta Ezpala-Iturrama) eros daitezke; Gipuzkoan,Tolosa (Denak), Beasain (Arrano) eta Oreretan (Landare) eta Araban Gasteizen (Garraxi).
Banku transferentziaz erosteko aukera ere badago, Euskadiko Kutxako 3035 0118 8 3 1181035243 kontu zenbakian.
Aldez aurretik erosteko epea martxoaren 25ean bukatuko da.
Aparkalekuak eta autobusak ere egonen dira. Bi autobus zerbitzu jarriko dira: Iruñea-Irurtzun-Lekunberri-Leitza eginen du batek eta besteak Tolosa-Villabona-Andoain-Leitza. Itzulerako zerbitzua ere jarriko dute.