Joan den asteko asteazkenarekin hasi ziran kunetetan egin behar diren lanak. Aranora igotzeko azken hiru kilometroetan, hau da, Kaxetatik hasita herrira bitartean, kunetak hartuko dituzte hormigoiez.
Nahiz eta herritarrontzat momentuz oztopoa izan, bertan denbora dezente egotea tokatzen zaigulako, laster ikusi eta somatuko dugu alde ona. Behar beharrezkoa ikusten dugu gidariok horrelako obra bat egitea, izan ere, lanak egindakoan, 70 zentimetro inguruan irabaziko du errepidearen zabalerak. Koska edo kuneta zulo handiegiak daude ia bideko zati gehienetan baztertu ahal izateko eta leku askotan kotxeak geldituta ikusten ditugu kontrakoa pasa artean. Gustura hartu dugu berri hau.
Obra honek hilabete eta erdi eta bi hilabete arteko iraupena izango duela iragarri dute. Beraz, maiatz aldean bukatua ikustea espero da.