Emakumearen Eguna dela eta, hainbat ekitaldi antolatu ditu Bilgune Feministak

Martxoaren 8a edo Emakumearen Nazioarteko Eguna hurbiltzen ari den honetan, Leitza eta Aresoko emakumeek hain­bat ekitaldi pres­ta­tzeari ekin diote. Eta bide batez, salatu egin dute «ema­kumeok etengabeko prekarizazio baten aurrean gaudela». Halere, «feministok prekarietateari planto, bizi­tza duinera salto» egite­ko prest daudela diote: «gure bo­rro­ka ez dago krisian».

Prentsara bidalitako oharrean kritikatu dutenez, «argi dugu krisi hau ez dela krisi ekonomikoa soilik, krisi sozial orkor ba­ten aurrean gaudela. Gero eta sektore sozial gehiagok paira­tzen ditugu krisi honen ondorioak. Baina tamalez, emakumeoi oraindik ere jendartean ezartzen zaizkigun funtzioen ondorioz, emakumeok ari gara krisi honen ondorioak pairatzen». Gaineratu dute­nez, «balizko krisiaren aurrean estatuek har­tu dituzten erabakien eta martxan jarri di­tuz­ten neurri guztien ondorio larrienak emakumeok paraituko ditugu».

Emakumeen eskubideak aldarrikatzen jarrai­tzeko ekitaldiak eginen dira Leitzan eta Areson.

MARTXOAK 8, ASTEARTEA

• 20:00etan: kontzentra­zioa Lopeneko atarian.

• 20:30ean Performance herritarra.

• 21:00etan mokadu jatea Atekabeltzan.

MARTXOAK 11, OSTIRALA

• 20:00etan: zine-foru­ma eta mokadu jatea Aresoko Pake Toki el­kar­tean. Las mujeres de verdad tienen curvas filma ikusgai.

MARTXOAK 12, LARUNBATA

• 12:00etan Leitzaldeko emakumeen errealitatea, 8 bizipenetan saioa Aurrera elkartean.

• 14:30ean bazkaria Atekabeltzan.

• 18:00etan Emozioak landuz, gozatu jolastuz. Jokoak plazan.

• Ondoren: poteo feminista.

• Gauean festa Gaztetxean.

MARTXOAK 26, LARUNBATA

• 10:00etan: autodefen­tsa feminista tailerra.