Udalak enkante publiko bidez eginen du Makurtxulo mendiko ustiapena saltzeko subasta. Lizitazio prezioa 68.460 eurokoa izanen da (BEZa kanpo) eta enkantean gutxieneko igoera 100 eurokoa izanen da. Ustiatzeko espezieak, berriz, haritz amerikanoa (1.308 ale), platanoa (42) eta akazia (45) dira.
Enkantea martxoaren 31n izanen da Herriko Etxeko Batzar Aretoan, 10:00etan. Enkantea hutsik geldituz gero, hasierako prezioaren %10 eta %30eko jaitsierarekin, bigarren eta hirugarren enkanteak eginen dira. Dena den, bigarren eta hirugarren enkantea eta esleipena, plegu administratibo eta teknikoen arabera arautuko da, irteerako prezioa salbu.
Enkantean parte hartu ahal izateko, hasierako prezioaren %2 behin behineko fidantza moduan jarri izanaren ziurtagiria aurkeztu beharko da. Baldintza pleguak udal idazkaritzan daude interesatuen esku, ostegunetan 08:00etatik 20:00etara (948 514045/ 696 429896).