Lehendik esan bezala, Gazte Asanbladak 20 urte beteko ditu aurten. Eta horren aitzakian, hainbat ekintza antolatzen ari dira urtemuga ospatzeko.
Halere, Gazte Asanbladak ohar bidez jakinarazi duenez, azarorako gorde dute egun haundia. Hilaren 12an egun osoko ospakizuna prestatu nahi dute, baina horretarako laguntza eskatu dute: «beharrezkoak ditugu zure iritzi, proposamen, kritika eta komentarioak». Hala, martxoaren 18an, ostirala, 19:00etan bilera eginen dute eta herritar guztiei egin diete parte hartzeko gonbidapena, «seguru ekarpen interesgarri asko bilduko ditugula».