Hiru urtetako eskaeren ondoren, hitzarmena adostu du Udalak Nafarroako Gobernuko Hezkuntza Sailarekin. Horri esker, Erleta eskolan igogailua jartzeko egin behar den obraren %50 diruz lagunduko du Gobernuak. Lan hauetarako 143.000 euro aurreikusi dira, eta Xabier Zabalo alkateak adierazi digunez, «uda honetan eginen dira eskolan hain beharrezkoa zen igogailuaren lanak». Gobernuak behin betiko onespena ematen duenean esleituko da obra.