Inguruko ikastetxe gehienetan bezala, Aresokoan ere, eskolako neska-mutikoak izanen dira Olentzerori ongi-etorria egingo dieten lehenak.
Urtero bezala, Gabonetako oporrak hartu aurretik, abenduaren 22an eskolako haurrek abestiak kantatu eta antzerkiak egingo dituzte. Baina horrekin batera, aurten, berrikuntza gisa, Olentzero handi bat ere egin dute eskolan eta berarekin batera, herrian barna ibiliko dira kalejiran ikasle, irakasle eta gurasoak, trikitilarien laguntzarekin. Ondoren, Guraso Elkarteak gonbidatuta, benetako Olentzero etorriko da eta psikomotrizitate gelan eginen zaio harrera, bertsoak kantatuz. Guztia amaitzeko denek batera hamaiketako eder bat eginen dute.