Herri kirol jaialdi ederra prestatu dute Goizuetan abenduaren 5erako. Igande eguerdiko 12:00etan hasita, alde batetik, Euskal Herriko Gizonezkoen Txinga Txapelketa jokatuko da. Zazpi edo zortzi kirolari ariko dira lehian: Migel Angel Sukuntza (Leitza), Simon Tomas Callaghan (Nafarroa), Imanol Martin (Nafarroa), Jesus Domingo Larrazabal (Araba), Andoni Zubiaurre (Gipuzkoa), Beñat Arriola (Bizkaia), Juan Jose Agirregabiria (Gipuzkoa) eta oraindik zalantzan dagoen Oskar Perez (Bizkaia).
Nafarroako bigarren mailako aizkolarien finala
Nafarroako bigarren mailako aizkolari txapelketaren finala ere egun berean jokatuko da. Julen Kañamares (Berriozar), Ruben Saralegi (Iruñea), Aitor Senosiain (Olague), Juan Jose Erdozia (Etxarri Aranatz) eta Xabier Mindegia (Beintza-Labaien) ariko dira lehian. Aizkolari bakoitzak bi kanaerdiko, bi 60 ontzako eta oinbiko bat moztu beharko ditu eta bi lehenbizikoek heldu den urtean maila nagusian lehiatzeko aukera izanen dute