Hiru urte daramatzate Leitza eta inguruko udalek ginekologia zerbitzua eskualdera ekar dezaten eskatuz. Tarte horretan, gestioak ere egin dira, baina «Gobernuak arazo hau kontuan ez hartzeko eduki duen axolagabekeriaren aurrean», Ezker Abertzaleko Ainara Gastearena Erregerena eta Maria Azpirotz Hernandorenak Arartekoaren aurrean eskualdeko emakumeen egoera salatu dute berriki.