Leitzako Aurrera elkartearen eguna ospatu zen joan den larunbatean, urriaren 2an. Orain artekoan bazkideen erantzuna ona izan bazen, laugarren edizio hau oraindik jendetsuagoa izan zen, batez ere karrapean egin zen herri bazkaria.
Goizean, txistularien dianaren ondotik, haurrek jolasteko aukera ederra izan zuten tirolina, rokodromoa eta zaldi ibilaldiekin. Horretaz gain, pilota eta futbito partidak eta dantzarien saioa ere ikusgai izan ziren. Bazkal aurretik, Aurrera elkarteko bazkideek poteoa egin zuten Incansables txarangarekin.
Bazkarian, bazkide asko Aurrera elkarteko blusa beltzarekin izan zen, antolatzaileek eskatu bezala. Bazkari goxoaren ondotik, Ingurutxoa dantzatzera animatu ziren asko, txistularien doinuak lagun zituztela.
Arratsean, afari-berendua eskaini zen Aurrera elkartearen atarian eta eguna borobiltzeko, orkestra-gizonak giroa jarri zuen plaza inguruan, jendea dantzara animatuz.