Dena prest dago larunbatean, urriak 2, Aurrera Kirol Elkartearen urteko hitzordurik nagusietako baterako: Aurrerako Pestarako, alegia. Goiz-arratsaldez izanen dira ekitaldiak.
09:00etan txistulariekin diana eginen da. 10:00etatik 13:00etara rokodromoa, tirolina eta zaldiak izanen dira umeentzako plazan. 10:30ean Aurrerako Kirol Jolasen eskutik futbol partida jokatuko da plazan. 11:00etan Aurrerako pilotarien pala partida jokatuko da plazan. 12:00etan Aurrerako dantzariek saioa eskainiko dute plazan. 13:00: Incansables txarangarekin poteoa eginen da eta 14:30ean Aurrerako bazkideen bazkaria. Bazkalondoren, bazkideek Ingurutxoa dantzatuko dute plazan. Ondotik txarangarekin poteoa eginen da. 21:30ean luntxa izanen da Aurreran eta 22:30ean Joxe Mendizabalekin dantzaldia.