Irailaren 19an jokatu zen Atxondoko (Bizkaia) Axpe auzoan Euskal Herriko Artzain Txakur Txapelketa, baina Jose Antonio Alustizak ezin izan zuen joan den urtean bezala txapela herrira ekarri. Ttiki txakurrarekin Nafarroako lehian garaile atera zen; aldiz, Euskal Herrikoan, seigarren postuan gelditu zen. Txapela Marzel Hualde Aldudekoak (Nafarroa Beherea) eraman zuen.