Aurreko batzordeak kargua utzi ondotik, komisio berrituarekin hasi du ikasturte berria Aurrera Pilota Eskolak. Unai Olano, Axier Gartzia, Juanito Mariezkurrena eta Mikel Andueza dira batzordekide berriak.
Baina beti bezala, adinaren arabera, talde bakoitzak bere monitoreak eta ordutegia izanen ditu: benjamin eta alebinak astearte eta ostegunetan bilduko dira 16:30etik 19:30era, Juan Joxe Mariñelarena eta Xabier Jaunarenarekin. Infantil, kadete, jubenil eta seniorrak astelehenetan 19:00etatik 22:00etara eta asteazkenetan 17:00etatik 20:30era ariko dira, Josetxo Txoperena eta Mikel Saenzekin. Neskak palaz entrenatuko dituztenak Josetxo Txoperena eta Iera Agirre izanen dira eta astearte eta ostegunetan bilduko dira, 19:30etik 20:00etara.