Ttiki txakurrari esker, bere hamaikagarren txapela eskuratu du Antonio Alustizak. Honenbestez, zazpigarren urtez segidan, Aresora ekarri du txapela eta Ttikiren lortu duen bosgarrena izan da.
Nafarroako Artzain Txakur Txapelketaren 43. edizioa abuztuaren 29an jokatu zen Uharte Arakilen eta hantxe lortu zuen garaipena Alustizak. Bat txakurra ere aurkeztu zuen txapelketara, urte eta erdikoa, eta seigarren sailkatu zen. Ttikik, berriz, zazpi urte ditu.
Lehenengo postu horrekin, igande honetan, irailak 19, Axpen (Bizkaia) jokatuko den Euskal Herriko Artzain Txakur Txapelketan parte hartuko du.