DATUA | 280 mendizale bildu zituen joan den urteko Mendi Itzuliak, eta aurrekoak 100 lagun inguru.
Aurten hirugarren aldiz, Aresoko Mendi Martxa eginen da igande honetan, irailak 5. Aurreko urteetan bezala, Aresoko plazan hasi eta akituko da eta mendizaleek 26 kilometroko eta 1.200 metroko desnibela dituen itzulia egin beharko dute. Bitarte horretan, Ulizar, Urkiza, Pagozelai eta Lau Mugarietan (Guratz) barna pasako dira. Mendi martxaren iraupena lau edo bost ordukoa da.
Goizean, 08:00etan emanen zaio hasiera martxari, eta izen-ematea, egun berean egitekotan 07:00etatik 07:45era egin beharko da. Aurretik ere izan da aukera, baina asteazkenean, irailak 1, bukatzekoa zen. Izen-ematea 5 euro kostako da aurretik, eta egun berean 8 euro.
Lasterketaren ondotik, kirol materiala zozketatuko dute antolatzaileek, baina horrekin batera, jatekoa, edatekoa eta opariak ere izanen dira.
Informazio gehiagorako: 948 604545; kirolmank@gmail.com; www.mendinavarra.com edo www.plazaola.org.