Ikasturte berriarekin batera, kirol ikastaroak jarri nahi dira martxan. Aurtengoan, multifitnes, mantenimenduko gimnasia eta Gustura gure soinean Aresoko gimnasia izenekoa proposatu ditu Kirol Mankomunitateak.
Ikastaroak aurrera ateratzeko, bakoitzean gutxienez sei lagunek eman beharko dute izena. Eta multifitnesen kasuan egunak eta orduak zehaztuak daude: astelehen eta asteazkenetan izango dira, 17:30etik 19:00etara. Prezioa 80 eurokoa izango da. Gainerakoena zehaztu gabe dago.
Apuntatzeko epea, bestalde, irailaren 15ean hasi eta 30ean bukatuko da. Udaletxean egitekotan, ostiraletan egin beharko da 09:00etatik 11:15era eta bestela, astelehenetik ostegunera, 08:00etatik 15:00era, 948 604545 telefonora deituz.
Ikastaroak urriaren 4an hasiko lirateke eta maiatzean bukatu.