Plazaola Partzuergo Turistikoak Taloaren Eguna antolatu du aurten bosgarren aldiz, Udalaren babesarekin. Igande honetan, irailak 5, eginen da eta ohi bezala, egitarau osatua prestatu dute.
Merkatuaren irekiera 10:00etan
•Leitzako talo-egileak (Villabona eta Saralegi).
•Artisauak.
•Taloa egiteko eta baserriko tresnen erakusketa.
•Baserriko animalien erakusketa.
•Haurrentzat gurdi ibilaldiak.
Ekintza gastronomikoak: 11:00-13:30
•Eskualdeko Talo Lehiaketa: lehenengo hiru sailkatuentzat sariak banatuko dira kirolak bukatu ondotik (irabazleak 100 euro eta trofeoa eskuratuko ditu, bigarrenak 50 euro eta hirugarrenak 25). Materiala eta plantxa antolatzaileek paratuko dituzte eta lehiaketan parte hartzea doakoa izanen da. Izen-ematea, berriz, aurretik (948 507205ra deituta) edo egun berean egin daiteke, 12:00 baino lehen. Parte hartzeko Plazaola Partzuergo Turistikoaren barne dagoen udalerri batekoa izatea ezinbestekoa da.
•Taloarekin egindako plateren erakusketa: Musunzar, Peritza, Txoko, Elosta eta Lekuonberri ostatuek egindakoak.
•Taloa egiteko tailerra (4-14 urteko neska-mutikoentzat).
Herri Kirolak 12:00etan
•Euskal Herriko Aizkolari Gazteen Txapelketa. Tartean ariko da Eneko Saralegi.
•Nafarroako Gizonezkoen Txinga-Eramate Txapelketa. Migel Angel Sukuntzak parte hartuko du. Xehetasunak 43. orrialdean.