Santio eta Santa Ana eguna pasatu ziren eta ondotik berehalaxe datorren eguna da San Roke, abuztuaren 16an. Aurten, betiko moduan meza izan zen goizean eta ondoren gerturatutako hamaika txistularik goxatu zuten giroa. Lau t´erdiko pilota partida ere jokatu zen Ander Lopez eta Julen Etxenikeren artean. Aurreneko honek irabazi zuen 22-9ko emaitzarekin.
Baina horrez gain, aurten Montebeoko Mikel Ruiz omendu dute antolatzaileek, Aranon azken 40 urteetan egindako argazki-teka dotoreagatik. 1968tik hona ateratako argazkiak herriaren esku utziko dituela esan zuen Mikelek eta dudarik gabe artxibo garrantzitsua izango da herritarrentzat.
Azken 40 urteetan argazki-teka dotorea osatu du
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun