DATUA | 63 DANTZARIK parte hartu zuten Dantza Taldearen festetako saioan.
Amabirjin jendetsuagoak ezagutu ditugu zalatzarik gabe, baina festa herrikoien gaur egungo egoera kontutan hartuz gero, aurtengoek ere erronkari ongi eutsi diotela esan dezakegu.
Gaugiroaren gainetik, azpimarratzekoa da, eguneko ekitaldiek jaso duten erantzuna. Esate baterako, hiru otordu herrikoiek –Gazte Egunekoak, presoen aldekoak eta Peñaren bazkariak– txartelak agortu dituzte ia inoiz ez bezala. Pilota-partidetan ere jende asko ibili da, bi betekada haundirekin –profesionalen jaialdian eta Peñaren Egunean–. Dena den, hirugarren urtez jarraian frontoian jendetza haundiena bildu duen ekitaldia Umore Ona Dantza Taldearena izan da. Jendetsua eta hunkigarria aldi berean, haundia baita 4 urtetik 60 urte bitarteko 63 herritar ikustea era honetako emanaldi batean. Goraipatzekoa da Elena, Unai, Itsaso eta Eiderrek egiten duten lana.
Jendearen parte-hartze aldetik hain arrakastatsuak ez diren festatako beste osagarri batzuei buruzko eztabaida mahai-gainean dago aspalditik; txarangaz, zezenetaz eta berbenetaz ari gara, batez ere.
Bukatzeko, esan, udako festatako egitarauaren azkeneko eguna, Artikutzako Sanagustinetako erromeria, giro ederrean joan dela aurten ere.