Aranoko herriarena zen 1.131 metroko lur eremua partikularren esku utziko du Udalak. Herri lurrak libratzeko baimena asteleheneko bileran eman zuen Nafarroako Gobernuak, eta horren bidez, Telleriko Errekako lehen poligonoko 23. lursaila bi partikularrei salduko zaie. Lurra bi zatitan banatuko da, eta 422 eta 709 metro koadroko bi zatitan geldituko da. Partikular horiek ohiko etxebizitzak dituzten lurren titulartasuna araupetzea da helburua.