Leitzako San Tiburtzio pestak abuztuaren 10ean, astearte arratsaldean botako den txupinazoarekin batera hasiko badira ere, asteburu honetan larunbateko programaren erreparto egunarekin eta igandeko Umeen Egunarekin hainbat ekitaldi izanen dituzte.
Plazaolaren Reparto Eguna larunbatean
Abuztuaren 7an, larunbatean Reparto Eguna izanen dute. 12:30ean Poteoa eginen dute gaiteroekin. 14:00etan eskalarien Bazkaria Aurreran. 16:00etan auzoz auzo Plazaola aldizkariaren banaketa eginen da trikitilari, txistulari, akordeoilari eta gaiteroekin. 17:00etan txirrindulariak ibiliko dira industrialdean. 18:30ean Oxabi erromeri taldearekin kalejira erreibindikatiboa eginen da. 20:00etan Karparen irikiera eta ekitaldia. Gauerditik aitzinera kontzertuak izanen dira karpan Kantaflor, Lesviolentan eta DJ Korta y Pega taldeekin.
Umeen Eguna igandean
Abuztuaren 8an, igandean, Umeen Eguna ospatuko dute. 08:00etan Diana izanen da txistulariekin. 11:30ean umeen txupinazoa botako da Udaletxetik eta ondoren hamaiketakoa eskainiko da. Ondoren, Aurrera Pilota Eskolako gazteak arituko dira plazan. 11:30etik 14:30era Puzgarriak, jokoak eta bitxigintza, papiroflexia eta aurpegi margoketa tailerrak izanen dira umeentzat plazan. 16:30etik 18:30era ere puzgarriak izanen dira. 18:30ean Aurrerako dantzari txikien ikuskizuna eta umeen ingurutxo irikie ikusgai izanen dira plazan. 20:00etatik 24:00etara Trikidantz taldea ariko da eta ordu berean buruhaundiak aterako dira.