Zabor zerbitzuarekin sortu diren arazoak konpontzeko neurriak iragarri dituzte

Herritarrak kexu. Edukiontziak puntu bakarrean daudela eta gutxiegi direla kexu dira herritarrak.

Mankomunitatearen zabor bilketa sistema be­rria dela eta, jendearen artean sortu ziren zen­bait­ kezka eta zalan­tza argitzeko beha­rra sortu zen. Herritar asko bildu­ta, Mankomunitateko lehendakaria den Xabier Zabalori deia egin zitzaion, kezka eta kexa hauei  irtenbidea emate aldera, herritarren aurrean argibideak eman zitzan. 
Uztailaren 1ean elkartu ziren herritarrak udal ordezkariekin eta Manko­munitateko lehendakariarekin. 20 lagun baino gehiago elkartuta argibide hauek eskatu ziren:
Batetik, edukion­tzien kokapenarekin asko ez daude ados. He­rrian­ jarri­ den puntu baka­rra gu­txie­gi dela diote askok, eta gainera gunetik urrutiegi gelditzen dela. Edu­kion­tzi gutxiegi dagoela zen bes­te kexa; berehala be­te­tzen direla eta zabor poltsak kanpoan utzi­ behar izaten direla.
Bestalde, maia­tzean izan du Aranoko jendeak­ zerbitzu honen berri Mankomunitatetik zuzendutako karta baten bidez. Zerbitzua ere (edukion­tziak eta gainerakoak) maiatzean jarri dute mar­txan. Baina kuota urtarri­letik zerbitzu hori jaso balute bezala kobratu da. Kobratu ere inolako abisu edo kontsultarik gabe egin zaielako daude kexu herritarrak.
Guzti honen aurrean, Udalaren erantzuna honakoa izan zen: lehengo urtean udaletxeko ta­bloian anuntzioa jarrita egon zela ikusi nahi zuenarentzat. Nafarroako Aldizkari Ofizialean ere ja­rrita omen zegoen. Jende askok, ordea, ez du horrelakoetan begiratzeko ohiturarik.
Mankomunitatearen aldetik, berriz, argitasun hauek eman ziren: Europatik datorren legea da zabortegiak itxi egingo direla eta Mankomunitatetik irtenbide hau eman nahi izan zaio arazoari.
Edukiontzi gehiago jarri litezke, baina kokapenak mantenduz. Ga­res­ti ateratzen da puntu gehiago jartzea. Zulo txikia duten edukiontzien arazoaz konturatuta, haundiagokoak eskatuta dituzte eta jarriko dituztela agindu dute.
Mankomunitatea ur­ta­­rriletik hasi zen zerbi­tzua antolatzen eta gas­tuak egin dira (kamioiak, materiala, edukion­tziak, gestioa, ikerketak...) dena martxan jartzeko. Kuota nahita nahiez ordaindu behar da ondorioz, nahiz eta informazioa berandu bidali dute­la aitortu. Irailetik aurrera zerbi­tzuak hobeki funtzionatuko duela agindu zuen Zabalok, bi kamioi gehiago eskatu dituztelako, besteak bes­te. Urtea bukatzerako sistema be­rriaren datuak es­kuan, sortu diren arazoak kon­pon­tzeko neurriak hartu­ko dituztela esan zuen.
Etekinak noizbait lortuko balira tasak jeitsiko direla ere aipatu zuen, baina hori orain­goz ez da gertatuko. Konposta egiten dutenek ere datorren urtetik aurrera %20 gu­txiago ordaindu dezaten az­tertzen ari direla gaine­ratu zuen.