Atekabeltza Gaztetxea ireki zenetik bost urte bete dira astearte honetan, eta urteurrena ospatzeko, aste osoan ekitaldiak izanen dira.
Astelehenean, Palestinaren inguruko hitzaldia izan zen eta asteartean, Itsasoaren alaba dokumentala eta parrillada. Asteazken goizean, mendi irteera egitekoa zuten Usategietara. Eta etxolan lo egin ondotik, ostegun goizean bueltatuko dira herrira. Arratsaldean mahai-ingurua izanen dute Gaztetxean, eta duela 20 urte baino gehiago itxi zuten lehengo Gaztetxeko kide bat izanen da partaide.
Ostiralean, 22:30ean, Gaztetxean antolatutako korto lehiaketako bideoen proiekzioa eta sari banaketa eginen dira. Eta larunbatean, egun osoko ekitaldiak izanen dira. Goizean, kalejira, poteoa, bazkaria, brindisa eta bazkalondoan, hip-hop taldea eta breakdance dantzak izanen dira eta gauean kontzertua.