Duela bi aste, ekainaren 25, 26 eta 27ko asteburuan, San Pedro jaiak ospatu ziren herrian. Urteroko moduan, ostiraletik iganderainoko tartea hartu zuten eta Lagun Arteko gazteen afariarekin hasi ziren ospakizunak, ostiral gauean. Larunbat goizean, baserrietako eskea egin zuten gazteek gosariaren ondotik, Edurne eta Eneritz trikitilarien laguntzarekin.
Iluntze aldera, berriz, musika egon zen plazan lehen aipaturiko trikitilariekin, eta gauean, afaria, nahi zuen guztiarentzat. Hala ere, esan beharra dago, ez zela oso arrakastatsua izan otordu hau. Gaueko dantzaldiarekin jendearen giro ona zabaltzen hasi zen eta oso umore onean amaitu zen larunbata.
Igandean, ohitura den moduan, gosariaren ostean, Meza izan zen San Pedroren omenez eta lau mutil gazteren laguntzaz, honen irudia herrian barna prozesioan erabili zen. Meza amaitu ondoren, gazta, ogia eta ardoa eskaini zuten Lagun Artekoek Mezara joandako guztientzat, eta honekin batera, herriko eskeari ekin zioten. Bazkal ostean, Gorka eta Alaitz herriko trikitilariek beren saioa eskaini zuten, festei amaiera emanez.
Otorduak, musika, etxez etxeko eskea, Meza eta ohiko prozesioa egin dir
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun