2010eko uda oihanaren bihotzean izenburupean bisita gidatuak antolatu ditu Plazaolako Partzuergoak uda honetarako. Guztira 14 ekintza prestatu ditu eta horietatik hiru herrian eginen dira. Alde batetik, Alde Zaharra eta Leitzalarreako izei zuriak ikusteko aukera eskainiko da. Larunbatetan, plazatik abiatuta, hiru orduko iraupena duten ateraldiak izanen dira. Interesatuek 948 507204 telefonora deitu beharko dute.
Horrez gain, Perurenatarren Peru-harri museoan ere eginen dira bisita gidatuak. Larunbatetan eta igandetan 10:30etik 14:30era egonen da zabalik. Joan nahi duenak 659 701 045era deitu behar du.
Kristina Saralegiren Arro baserrian ere eginen dira bisita gidatuak uda honetan. Abereak ikusteaz gain, taloak egiteko tailerra eta dastatzeko aukera ere izanen dira. Ordu bat eta erdiko iraupena izanen du bisitak eta interesatuak 610 378543ra deitu behar du.