Lehendik eskubaloi, saskibaloi, errugbi eta areto-futbolean ari diren taldeek bukatu zuten denboraldia. Futbolean ere, hainbat kategoriatan bukatua da sasoia, baina oraindik batzuk jokoan segitzen dute. Kasik guzientzako maiatzeko azken asteburu hau, denboraldiko azkena ere izanen da.
Bakar-bakarrik batek jokatuko du ekainean. Lesakako Beti Gazteko infantil mailako taldeak. Denboraldi bikaina osatu dute Jose Luis Altzugarai "Zikiro"k entrenatzen dituen mutikoek. Lehen fasean, beraien multzoko txapeldunak izan ziren eta txapeldunen fasea jokatu dute. Fase honetan, asteburuko partida bakarrik falta dute, baina matematikoki badakite multzo buru izanen direla. Beraz, Erribera aldeko multzoaren txapeldunaren kontra ariko dira final nagusian. Baina hori, hurrengorako utziko dugu. Bien bitartean, hauek izanen dira asteburuko partidak.
FUTBOLA
Gipuzkoako Ohorezko mailan
Beti Gazte – Pasajes, igandean 17:30ean Mastegin.
Nafarroako kadeteen bigarren mailako igoera fasean
Doneztebe – Alsasua A, larunbatean 16:30ean Taxoaren.
Baztan – Idoya, larunbatean 12:00etan Elizondoko Giltxaurdin.
Nafarroako Infantilen lehen mailan
Gazte Berriak - Beti Gazte, Antsoainen larunbatean 11:30ean.
Baztan – San Cristobal, igandean 11:30ean Elizondoko Giltxaurdin.
Navarro Villoslada – Doneztebe, larunbatean 17:00etan Taxoaren.
Futbol-7, Nafarroako Alebinen ligan
Doneztebe – Navarro Villoslada A, larunbatean 12:00etan Donezteben.
Baztan A – Paz Ziganda B, larunbatean 10:30ean Elizondoko Giltxaurdin.
Mutilvera E - Baztan B, larunbatean 11:15ean Mutilban.
BAZTAN-ERREKAKO XXXI. LAXOA TXAPELKETA
Irurita C – Arraioz A, larunbatean 17:00etan.
Arraioz B – Doneztebe B, larunbatean 17:00etan.
Irurita A – Irurita B, igandean 17:00etan.