Hitzordu garrantzitsua egin du Umore Ona Abesbatzak ekainaren 11rako. Non eta Donostiako Kursaalean kantatuko baitu, TKE Traineru Kluben Elkarteak denboraldi berria aurkeztuko duen egunean. TKEk egin berri duen ereserkiaren grabaketan parte hartu du Umore Onak, eta horregatik abestuko du Donostian.
Ereserkia horretako musikaren egilea Imanol Kamio hernaniarra izan da, Umore Ona Abesbatzarekin harreman haundia duen musikaria, hain zuzen. Eta berak gonbidatuta parte hartu dute ereserkiaren grabaketan, Hernaniko Ozenki eta Kantuz abesbatzekin batera. Maiatzaren 11n grabatu zuten Hernanin ereserkia hori, eta arraun denboraldia aukezterakoan ere, hiru koruek kantatuko dute.